ટૂ-વ્હીલર ઇન્શ્યોરન્સની ડુપ્લિકેટ કૉપી ઑનલાઇન અને ઑફલાઇન કેવી રીતે મેળવવી?

જ્યારે મોટર વાહન ચલાવવાની વાત આવે છે, ત્યારે તમારી પાસે કેટલાક ડૉક્યૂમેન્ટ હોવા જરૂરી છે - રજિસ્ટ્રેશન સર્ટિફિકેટ, PUC સર્ટિફિકેટ અને છેલ્લે, ઇન્શ્યોરન્સ પૉલિસી. કાર હોય કે બાઇક, આ જરૂરિયાતો સમાન રહે છે. 1988 ના મોટર વાહન અધિનિયમ દ્વારા આ નિયમનકારી જરૂરિયાત નિર્ધારિત કરવામાં આવી છે, જેનું પાલન ન કરવામાં આવે તો ભારે દંડ થઈ શકે છે. તમે ચોક્કસપણે દંડ ચૂકવવા માંગતા નથી, બરાબર? બાઇક ઇન્શ્યોરન્સ એક આવશ્યક ડૉક્યૂમેન્ટ છે જે તમારા ટૂ-વ્હીલરની સવારી કરતી વખતે હંમેશા સાથે રાખવું જોઈએ; પછી તે તમારા સ્થાનિક સુપરમાર્કેટમાં રાઇડ હોય કે કામ માટે દૈનિક મુસાફરી હોય; આ એક આવશ્યક ડૉક્યૂમેન્ટ છે. જો કોમ્પ્રિહેન્સિવ પૉલિસી ન હોય, તો તમારે ઓછામાં ઓછું થર્ડ-પાર્ટી બાઇક ઇન્શ્યોરન્સ કવર ખરીદવું જોઈએ જે તમને અકસ્માતની સ્થિતિમાં થર્ડ પાર્ટીને કારણે ઉદ્ભવતી જવાબદારીઓથી સુરક્ષિત કરશે. પરંતુ એવું બની શકે છે કે તમે આ ડૉક્યુમેન્ટ ગુમાવો છો. આગળ શું? શું તમારે નવી વીમા પોલિસી લેવી પડશે? શું તમે તમારી પૉલિસીના તમામ લાભો ગુમાવશો? સરળ જવાબ છે 'ના'. ઉપરોક્ત કોઈપણ પ્રશ્નો સાચા નથી. તમારે માત્ર ડુપ્લિકેટ ટૂ-વ્હીલર ઇન્શ્યોરન્સ કૉપી માટે અપ્લાઇ કરવું પડશે. આ લેખ ટૂ-વ્હીલર ઇન્શ્યોરન્સની ડુપ્લિકેટ કૉપી માટે અરજી કરવાના પગલાં વિશે જણાવે છે. વધુ જાણવા માટે વાંચવાનું ચાલુ રાખો.

તમારા ટૂ-વ્હીલર ઇન્શ્યોરન્સની ડુપ્લિકેટ કૉપી ઑનલાઇન કેવી રીતે મેળવવી?

પગલું 1

તમારી ઇન્શ્યોરન્સ કંપનીની વેબસાઇટની મુલાકાત લો અને તમારા એકાઉન્ટમાં લૉગ-ઇન કરો. ઇન્શ્યોરન્સ કંપનીઓ સામાન્ય રીતે મેઇલ દ્વારા આ વિગતો શેર કરે છે, પરંતુ જો તેમ ઉપલબ્ધ ન હોય તો, તમારો પૉલિસી નંબર દાખલ કરીને પણ મેળવી શકાય છે.

પગલું 2

જ્યારે બજાજ જનરલ એકથી વધુ ઇન્શ્યોરન્સ પ્લાન ઑફર કરે છે, ત્યારે બાઇક ઇન્શ્યોરન્સ પૉલિસી પસંદ કરો જેના માટે તમારે ડુપ્લિકેટ કૉપીની જરૂર છે.

પગલું 3

પોર્ટલ દ્વારા પૉલિસીની વિગતો પૂછવામાં આવશે, જેની ચકાસણી કરવામાં આવશે.

પગલું 4

આ વિગતો દાખલ કર્યા બાદ તમે તેને જોઈ શકો છો તેમજ ડાઉનલોડ કરી શકો છો. તમે ટૂ-વ્હીલર ઇન્શ્યોરન્સ ઑનલાઇન ખરીદ્યું હોવાથી, તે માત્ર ડાઉનલોડ માટે ઉપલબ્ધ રહેશે જેને તમારા રેફરન્સ માટે પ્રિન્ટ અને સેવ કરી શકાય છે. કેટલીક ઇન્શ્યોરન્સ કંપનીઓ આ ઇન્શ્યોરન્સ પૉલિસી ઇમેઇલ દ્વારા તેમજ ટપાલ દ્વારા મોકલવાની સુવિધા પણ પ્રદાન કરે છે.

બાઇક ઇન્શ્યોરન્સ પૉલિસી ડાઉનલોડ કરવી શા માટે મહત્વપૂર્ણ છે?

તમારી બાઇક ઇન્શ્યોરન્સ પૉલિસી ડાઉનલોડ કરવાના મહત્વને હાઇલાઇટ કરતા કેટલાક મુખ્ય કારણો અહીં આપેલ છે:

1. પૉલિસી ડૉક્યૂમેન્ટનો તાત્કાલિક ઍક્સેસ

ડાઉનલોડ કરેલી પૉલિસી સુનિશ્ચિત કરે છે કે તમે કોઈપણ સમયે, ક્યાંય પણ, ખાસ કરીને ઇમરજન્સીમાં તમારી ઇન્શ્યોરન્સની વિગતો ઍક્સેસ કરી શકો છો.

2. વીમાનો પુરાવો

ડિજિટલ વર્ઝન ટ્રાફિક તપાસ દરમિયાન અથવા ક્લેઇમ દાખલ કરતી વખતે જરૂરી ઇન્શ્યોરન્સના માન્ય પુરાવા તરીકે કાર્ય કરે છે.

3. પર્યાવરણને અનુકૂળ

ડિજિટલ કૉપીનો ઉપયોગ કરવાથી કાગળના વપરાશમાં ઘટાડો થાય છે, જે પર્યાવરણીય સંરક્ષણના પ્રયત્નોમાં યોગદાન આપે છે.

4. વધારેલી સુરક્ષા

ડિજિટલ કૉપી, સામાન્ય રીતે સ્માર્ટફોન અથવા લૅપટૉપ જેવા ડિવાઇસ પર PDF ફોર્મેટમાં સેવ કરવામાં આવે છે, ભૌતિક ડૉક્યૂમેન્ટની તુલનામાં નુકસાન અથવા ક્ષતિની સંભાવના ઓછી છે. વધુમાં, જ્યારે પણ જરૂર પડે ત્યારે તે ડાઉનલોડ કરી શકાય છે.

5. સુવિધાજનક

પૉલિસી ડાઉનલોડ કરવાથી ટ્રાફિક તપાસ દરમિયાન અથવા વાહનની માલિકી ટ્રાન્સફર કરતી વખતે અધિકારીઓ સાથે માહિતી શેર કરવી સરળ બને છે.

તમારા ટૂ-વ્હીલર ઇન્શ્યોરન્સની ડુપ્લિકેટ કૉપી ઑફલાઇન કેવી રીતે મેળવવી?

1. સૌ પ્રથમ તમારી મૂળ પૉલિસીનો ડૉક્યુમેન્ટ ખોવાઈ જવા વિશે તમારી ઇન્શ્યોરન્સ કંપનીને જાણ કરવાની રહેશે. આની જાણ કરવાથી, તેમને ટૂ-વ્હીલર ઇન્શ્યોરન્સની કૉપીની વ્યવસ્થા કરવામાં મદદ મળશે. તમે આની જાણ કૉલ પર અથવા મેઇલ દ્વારા પણ કરી શકો છો.
2. આગળ, તમારે લાગુ પડતા અધિકારક્ષેત્રમાં ફર્સ્ટ ઇન્ફોર્મેશન રિપોર્ટ અથવા FIR નોંધાવવાની રહેશે. FIR નોંધાવવાથી એ વાતની ખાતરી થાય છે કે એ ઇન્શ્યોરન્સ ડૉક્યુમેન્ટ વાસ્તવિકતામાં ખોવાઈ જવાનો કેસ છે.
3. હવે, FIR કર્યા બાદ, તમારે પૉલિસી નંબર, ઇન્શ્યોરન્સ ધરાવતા ટૂ-વ્હીલરની વિગતો સહિત ઇન્શ્યોરન્સ પૉલિસીના પ્રકારનો ઉલ્લેખ કરીને તમારી ઇન્શ્યોરન્સ કંપનીને લેખિતમાં અરજી કરવાની રહેશે.
4. આખરે તમારે ઇન્ડેમ્નિટિ બોન્ડ પણ સબમિટ કરવાનો રહેશે, જે કોઈપણ ખોટી રજૂઆત તમારી એકલ જવાબદારી રહેશે તેમ જાહેર કરે છે. આ એક કાનૂની ડૉક્યુમેન્ટ છે જે તમારી ઇન્શ્યોરન્સ કંપનીને સુરક્ષિત કરે છે.

ડુપ્લિકેટ પૉલિસી જારી કરવાની આ સુવિધાનો ઉપયોગ કરીને, તમે ફરીથી ઇન્શ્યોરન્સ કવર ખરીદ્યા વિના ટૂ-વ્હીલર ઇન્શ્યોરન્સની કૉપી મેળવી શકો છો. ટ્રાફિક અધિકારીઓ દ્વારા દંડ કરવામાં આવે ત્યાં સુધી તમે ડુપ્લિકેટ પૉલિસી માટે અરજી કરવાની રાહ ન જુઓ. આજકાલ, સ્ટેટ રોડ ટ્રાન્સપોર્ટ ઑફિસ દ્વારા વાહનના માલિકોને ટૂ-વ્હીલર ઇન્શ્યોરન્સ પૉલિસી સહિતના તેમના વાહનના ડૉક્યૂમેન્ટની ડિજિટલ કૉપી સાથે રાખવાની પરવાનગી આપવામાં આવેલ છે. એમપરિવહન અથવા ડિજિલૉકર જેવી એપ વડે સ્ટોર કરવું સરળ છે.

ઇન્શ્યોરન્સની ડુપ્લિકેટ કૉપી હોવી શા માટે મહત્વપૂર્ણ છે?

તમારી ટૂ-વ્હીલર ઇન્શ્યોરન્સ પૉલિસી એક આવશ્યક ડૉક્યુમેન્ટ છે, જે સ્કૂટર અથવા બાઇક ચલાવતી વખતે હંમેશા તમારી પાસે હોવું જોઈએ. ટ્રાફિક અધિકારી દ્વારા ડૉક્યુમેન્ટની માંગણી કર્યા બાદ તે રજૂ ના કરી શકવા પર ભારે દંડ લાગી શકે છે. આ ઉપરાંત, તે એક કાનૂની જરૂરિયાત છે, જેનું પાલન કરવું આવશ્યક છે. આમ, કાનૂની અનુપાલન અને થર્ડ-પાર્ટીની જવાબદારીઓ તેમજ પોતાના વાહનના નુકસાન સામે નાણાંકીય કવરેજ સુનિશ્ચિત કરવા માટે, તમારાથી તમારા મૂળ ડૉક્યુમેન્ટ ખોવાય જાય, તો ઇન્શ્યોરન્સ પૉલિસીની ડુપ્લિકેટ કૉપીની વિનંતી કરવી જરૂરી છે. વધુમાં, જો તમારે ઇન્શ્યોરર પાસે ક્લેઇમ કરવાનો હોય, તો તમારી પાસે આ ડૉક્યુમેન્ટ હોવા આવશ્યક છે. તેથી, તમે તમારી ઇન્શ્યોરન્સ કંપની સાથે પૉલિસીની ડુપ્લિકેટ કૉપીની વિનંતી કરો તે મહત્વપૂર્ણ છે.

શું તમારે તમારી બાઇક ઇન્શ્યોરન્સ પૉલિસીની હાર્ડ કૉપીની જરૂર છે?

ભારતમાં, મોટર વાહન અધિનિયમ હેઠળ તમારી બાઇક માટે ઓછામાં ઓછો થર્ડ-પાર્ટી ઇન્શ્યોરન્સ હોવો ફરજિયાત છે. જ્યારે ડિજિટલ પૉલિસીઓ વ્યાપક રીતે સ્વીકારવામાં આવે છે અને સુવિધાજનક છે, ત્યારે ચોક્કસ પરિસ્થિતિઓ છે જ્યાં ફિઝિકલ કૉપી હજુ પણ જરૂરી હોઈ શકે છે:

1. કાનૂની અનુપાલન

જોકે IRDAI-મંજૂર એપમાં સ્ટોર કરેલી ડિજિટલ કૉપી મોટાભાગના કિસ્સાઓમાં સ્વીકાર્ય છે, પરંતુ કેટલીક પરિસ્થિતિઓને હજુ પણ પ્રિન્ટ કરેલ વર્ઝનની જરૂર પડી શકે છે.

2. વેરિફિકેશનની જરૂરિયાતો

સર્વિસ કેન્દ્રો અથવા સરકારી અધિકારીઓ વેરિફિકેશન પ્રક્રિયાઓ દરમિયાન ભૌતિક કૉપી માટે પૂછી શકે છે.

3. તકનીકી સમસ્યાઓના કિસ્સામાં બૅકઅપ

જો તમારું ડિજિટલ ડિવાઇસ નિષ્ફળ થાય અથવા ફાઇલ ઍક્સેસ કરી શકાતી ન બને તો હાર્ડ કૉપી એક વિશ્વસનીય બૅકઅપ તરીકે કાર્ય કરે છે. જો કે, ડિજિટલ પૉલિસીઓને અપનાવવા અને સમગ્ર પ્લેટફોર્મમાં તેમની વધતી સ્વીકૃતિ સાથે, ઇન્શ્યોરન્સ ડૉક્યૂમેન્ટેશન માટે હાર્ડ કૉપી પર નિર્ભરતા સતત ઘટી રહી છે.

વાહનની વિગતોનો ઉપયોગ કરીને તમારી બાઇક ઇન્શ્યોરન્સની કૉપી ઑનલાઇન ડાઉનલોડ કરવાના પગલાં

તમારી બાઇકની ઇન્શ્યોરન્સ કૉપીમાં વાહન નંબર શામેલ છે, જે ચેસિસ અને એન્જિન નંબર સાથે લિંક કરેલ છે. તમે આ પગલાંઓને અનુસરીને સરળતાથી તમારી ઇન્શ્યોરન્સ કૉપી ઑનલાઇન ડાઉનલોડ કરી શકો છો:

1. અધિકૃત વેબસાઇટની મુલાકાત લો: માર્ગ પરિવહન અને રાજમાર્ગ મંત્રાલયની વેબસાઇટ અથવા તમારા રાજ્ય પરિવહન વિભાગના પોર્ટલ પર જાઓ.

2. વાહનની વિગતો દાખલ કરો: તમારી બાઇકનો રજિસ્ટ્રેશન નંબર પ્રદાન કરો અને "સબમિટ કરો" પર ક્લિક કરો

3. પૉલિસીની વિગતો જુઓ: તમારી ઇન્શ્યોરન્સ પૉલિસીની વિગતો સ્ક્રીન પર દેખાશે.

4. ઇન્શ્યોરન્સ ઇન્ફોર્મેશન બ્યુરો સાથે તપાસો: તમારા ઇન્શ્યોરર વિશેની વિગતો જાણવા માટે IRDAI દ્વારા નિયમિત ઇન્શ્યોરન્સ ઇન્ફોર્મેશન બ્યુરો (IIB) ની વેબસાઇટની મુલાકાત લો.

5. તમારા ઇન્શ્યોરન્સ પ્રદાતાની વેબસાઇટ પર જાઓ: તમામ જરૂરી વિગતોને વેરિફાઇ કરવા માટે ઇન્શ્યોરરની વેબસાઇટનો ઉપયોગ કરો.

6. તમારી પૉલિસી ડાઉનલોડ કરો: જરૂરી માહિતી દાખલ કરો અને તમારી ઇન્શ્યોરન્સ પૉલિસીની કૉપી સરળતાથી ડાઉનલોડ કરો.

વાહન નંબરનો ઉપયોગ કરીને બાઇક ઇન્શ્યોરન્સની કૉપી કેવી રીતે ડાઉનલોડ કરવી?

તમારી બાઇક ઇન્શ્યોરન્સ પૉલિસીની ડુપ્લિકેટ કૉપી મેળવવી એ એક સરળ પ્રક્રિયા છે જે સામાન્ય રીતે તમારા ઇન્શ્યોરરની અધિકૃત વેબસાઇટ દ્વારા ઑનલાઇન કરી શકાય છે. જો કે, પ્રક્રિયા સરળતાથી થાય તેની ખાતરી કરવા માટે કેટલાક આવશ્યક પગલાં અનુસરવા જરૂરી છે.

1. તમારા ઇન્શ્યોરન્સ પ્રદાતાને જાણ કરો

પ્રથમ પગલું તમારી ઇન્શ્યોરન્સ કંપનીને તમારા પૉલિસી ડૉક્યુમેન્ટના નુકસાન વિશે સૂચિત કરવાનું છે. તમે તેમના ટોલ-ફ્રી નંબર પર કૉલ કરીને અથવા ઇમેઇલ મોકલીને આ કરી શકો છો. તમારા ઇન્શ્યોરરને પરિસ્થિતિ વિશે જાણ કરવી મહત્વપૂર્ણ છે જેથી તેઓ ડુપ્લિકેટની વિનંતી કરતા પહેલાં નુકસાનની પુષ્ટિ કરી શકે.

2. FIR ફાઇલ કરો (ફર્સ્ટ ઇન્ફોર્મેશન રિપોર્ટ)

ઘણા કિસ્સાઓમાં, ઇન્શ્યોરન્સ કંપનીઓને પૉલિસી ડૉક્યુમેન્ટના નુકસાનને માન્ય કરવા માટે FIR ની કૉપીની જરૂર પડશે. પાલન કરવા માટે, એફઆઇઆર ફાઇલ કરવા માટે તમારા નજીકના પોલીસ સ્ટેશન પર જાઓ. પૉલિસી નંબર અને ડૉક્યુમેન્ટ કેવી રીતે અને ક્યાં ખોવાઈ ગયો હતો તે જેવી મુખ્ય વિગતો શામેલ કરવાની ખાતરી કરો.

3. અખબારની જાહેરાત પ્રકાશિત કરો (જો જરૂરી હોય તો)

કેટલીક વીમા કંપનીઓ તમને સ્થાનિક અખબારમાં જાહેરાત પ્રકાશિત કરવા માટે વિનંતી કરી શકે છે. જાહેરાતમાં તમારું નામ, સંપર્ક વિગતો અને ખોવાયેલી પૉલિસીની ઘોષણા જેવી મહત્વપૂર્ણ માહિતી શામેલ હોવી જોઈએ. આ પગલું જૂની ઇન્શ્યોરન્સ કંપનીઓ સાથે વધુ સામાન્ય છે.

4. ક્ષતિપૂર્તિ બોન્ડ પર હસ્તાક્ષર કરો

અંતિમ પગલાંમાં ઇન્ડેમ્નિટી બોન્ડ પર હસ્તાક્ષર કરવાનો સમાવેશ થાય છે, જે એક ઔપચારિક ઘોષણા તરીકે કાર્ય કરે છે કે તમે દસ્તાવેજના નુકસાન સંબંધિત કોઈપણ અચોક્કસતા માટે જવાબદાર છો. આ બોન્ડ પર બિન-ન્યાયિક સ્ટેમ્પ પેપર પર સહી કરવી આવશ્યક છે, અને તમારે તેને માન્ય નોટરી દ્વારા નોટરીકૃત કરવાની જરૂર પડશે. ખાતરી કરો કે બોન્ડમાં તમારી પૉલિસીની વિગતો શામેલ છે, જેમ કે તમારું નામ અને પૉલિસી નંબર. તમારી સાથે ડૉક્યુમેન્ટ પર હસ્તાક્ષર કરવા માટે તમારે બે સાક્ષીઓની પણ જરૂર પડશે. એકવાર તમે આ તમામ પગલાં પૂર્ણ કર્યા પછી, તમે જરૂરી ડૉક્યુમેન્ટ સાથે તમારી એપ્લિકેશન સબમિટ કરી શકો છો. વેરિફિકેશન પછી, તમારી ઇન્શ્યોરન્સ કંપની તમારી વિનંતી પર પ્રક્રિયા કરશે અને તમારી બાઇક ઇન્શ્યોરન્સ પૉલિસીની ડુપ્લિકેટ કૉપી જારી કરશે.

તમે તમારા ટૂ-વ્હીલરના ઇન્શ્યોરન્સની ડુપ્લિકેટ કૉપી માટે અપ્લાઇ કરો, ત્યારે યાદ રાખવા જેવી બાબતો

• ધ્યાન રાખો કે તમે તમારી બાઇક ઇન્શ્યોરન્સ પૉલિસીની ડુપ્લિકેટ કૉપીની વિનંતીમાં વિલંબ કરશો નહીં. તમારા વાહનને પૉલિસી વગર ચલાવવું ગેરકાયદેસર છે, તેથી તમારે ખોવાયેલ પૉલિસી ડૉક્યુમેન્ટ માટે તરત જ યોગ્ય વ્યવસ્થા કરવી મહત્વપૂર્ણ છે.
• ખાતરી કરો કે તમે તમારા વાહનના ડૉક્યૂમેન્ટ જેમ કે ટૂ-વ્હીલર ઇન્શ્યોરન્સ પૉલિસી, તેનું રજિસ્ટ્રેશન સર્ટિફિકેટ અને પીયૂસી સર્ટિફિકેટ તમામને સુરક્ષિત રીતે રાખો છો. વધુમાં, તમે તમારા ડૉક્યુમેન્ટને ઇલેક્ટ્રોનિક રીતે સ્ટોર કરવા માટે ડિજિલૉકર અને એમપરિવહન જેવી સરકાર-માન્ય એપ્લિકેશનનો સંપૂર્ણ લાભ લઈ શકો છો. આ રીતે, તમારે હંમેશા ફિઝિકલ ડૉક્યુમેન્ટ સાથે રાખવાની જરૂર રહેશે નહીં. તેના બદલે, તમે આ ડૉક્યુમેન્ટ તમારા સ્માર્ટફોનમાંથી દર્શાવી શકો છો.

હું મારી કાર ઇન્શ્યોરન્સ પૉલિસીનો નંબર ક્યાં જોઈ શકું?

દરેક ઇન્શ્યોરન્સ કંપની દ્વારા પૉલિસી ડૉક્યુમેન્ટ પર પૉલિસી નંબરનો ઉલ્લેખ કરવામાં આવે છે. જો કે, જો તમારી પાસે તમારી વાહન ઇન્શ્યોરન્સ પૉલિસીની ફોટોકૉપી પણ ના હોય, તો તમારી કાર ઇન્શ્યોરન્સ પૉલિસીનો નંબર જાણવાની કેટલીક રીતો છે.

સૌ પ્રથમ, તમે તમારી ઇન્શ્યોરન્સ કંપનીની વેબસાઇટ પર લૉગ ઇન કરી શકો છો; આ કિસ્સામાં, બજાજ જનરલ ઇન્શ્યોરન્સ કંપનીની વેબસાઇટ. તમારા એકાઉન્ટમાં લૉગ ઇન કરીને, તમે તમારો પૉલિસી નંબર જાણી શકો છો. વૈકલ્પિક રીતે, તમારી મોબાઇલ એપ્લિકેશનમાં સાઇન ઇન કરવાથી પણ તમને તમારો પૉલિસી નંબર બતાવી શકાય છે.

બીજું, તમે તમારા ઇન્શ્યોરન્સ એજન્ટનો સંપર્ક કરી શકો છો અને તમારી ખોવાયેલી પૉલિસીની વિગતો મેળવી શકો છો.

ત્રીજું, તમે ઇન્શ્યોરન્સ કંપનીની અધિકૃત હેલ્પલાઇન પર કૉલ કરી શકો છો. કેટલીક વિગતોના વેરિફિકેશન થવા પર, ઇન્શ્યોરર તમને તમારી કાર ઇન્શ્યોરન્સ પૉલિસી વિશેની માહિતી આપી શકે છે.

ચોથી, તમે તમારી ઇન્શ્યોરન્સ કંપનીની બ્રાન્ચ ઑફિસની મુલાકાત લઈ શકો છો.

છેલ્લે, તમે Insurance Information Bureau (IIB) ની વેબસાઇટની મુલાકાત લઈ શકો છો. IIB ભારતમાં જારી કરેલી તમામ મોટર ઇન્શ્યોરન્સ પૉલિસીઓનો રેકોર્ડ જાળવે છે.

વારંવાર પૂછાતા પ્રશ્નો

જો મારી અસલ ઇન્શ્યોરન્સ પૉલિસી ખોવાઈ જાય, તો શું હું ડુપ્લિકેટ કૉપી મેળવી શકું છું?

હા, જો તમારી અસલ કાર ઇન્શ્યોરન્સ પૉલિસી ખોવાઈ જાય તો પણ તમારી ઇન્શ્યોરન્સ પૉલિસીની ડુપ્લિકેટ કૉપી મેળવવી શકાય છે. તમારે માત્ર તમારી ઇન્શ્યોરન્સ કંપનીની વેબસાઇટ પરથી ડુપ્લિકેટ કૉપી ડાઉનલોડ કરવાની રહેશે અથવા તમારી ઇન્શ્યોરન્સ કંપનીને ડુપ્લિકેટ કૉપી જારી કરવા માટે વિનંતી કરવાની રહેશે.

ડ્રાઇવિંગ કરતી વખતે મારે મારી કારમાં કયા ડૉક્યુમેન્ટ સાથે રાખવા જોઈએ?

તમારી કાર ડ્રાઇવ કરતી વખતે, તમારે ચાર આવશ્યક ડૉક્યુમેન્ટ સાથે રાખવા જરૂરી છે; તમારી કાર સંબંધિત ત્રણ અને તમારા માટે એક. તેઓ:

તમારું ડ્રાઇવિંગ લાઇસન્સ.

તમારી કારનું રજિસ્ટ્રેશન સર્ટિફિકેટ.

તમારી કારની ઇન્શ્યોરન્સ પૉલિસી.

તમારી કાર માટે પોલ્યુશન અંડર કન્ટ્રોલ (PUC) સર્ટિફિકેટ.

શું હું ગ્રેસ પીરિયડ દરમિયાન કાર ઇન્શ્યોરન્સનો ક્લેઇમ દાખલ કરી શકું?

ના, ગ્રેસ પીરિયડ એ સમયગાળો છે, જે દરમિયાન તમે કોઈપણ રિન્યૂઅલ લાભો ગુમાવ્યા વિના તમારી કાર ઇન્શ્યોરન્સ પૉલિસીને રિન્યૂ કરી શકો છો. જો કે, આ સમયગાળા દરમિયાન ઇન્શ્યોરન્સ કંપની દ્વારા કોઈ ક્લેઇમ ચૂકવવામાં આવતા નથી.

* * સ્ટાન્ડર્ડ નિયમો અને શરતો લાગુ

ઇન્શ્યોરન્સ એ આગ્રહની વિષયવસ્તુ છે. લાભો, બાકાત, મર્યાદાઓ, નિયમો અને શરતો વિશે વધુ વિગતો માટે, કૃપા કરીને વેચાણ પૂર્ણ કરતા પહેલાં સેલ્સ બ્રોશર/પૉલિસી નિયમાવલીને કાળજીપૂર્વક વાંચો.