CKYC ઇન્શ્યોરન્સ અને ભારતમાં કાર ઇન્શ્યોરન્સ પર તેની અસર

જ્યારે તમે કાર ખરીદો છો, ત્યારે તમારે કારના માલિક તરીકે કેટલીક જવાબદારીઓ વિશે જાણવાની જરૂર છે, જેમાં ડ્રાઇવિંગ કરતી વખતે તમામ નિયમોનું પાલન કરવું, હંમેશા યોગ્ય માર્ગ સુરક્ષા જાળવવી અને તેની સરળ કામગીરી માટે સમયાંતરે તમારી કારને સર્વિસ આપવી શામેલ છે. જો કે, તમારે ભૂલવી જોઈએ નહીં તે મુખ્ય જવાબદારી કાર ઇન્શ્યોરન્સની ખરીદી છે, જે તમે ઑનલાઇન પણ ખરીદી શકો છો. તાજેતરમાં, વીમા માટેની કેન્દ્રીય સત્તાએ વીમા ખરીદદારો માટે જ્યારે પણ તેઓ નવી વીમા પૉલિસી ખરીદે ત્યારે KYC (નો યોર કસ્ટમર) કરવાનું ફરજિયાત બનાવ્યું છે. જો તમે તમારી નવી કાર માટે કાર ઇન્શ્યોરન્સ ખરીદવા માંગો છો, તો તમારે શા માટે KYC પ્રક્રિયા કરવાની જરૂર પડી શકે છે તે અહીં આપેલ છે.

KYC શું છે?

નો યોર કસ્ટમર (KYC) તમારા વિશેની વિગતોની ખરાઈ કરવાની પ્રક્રિયા છે. બેંકોમાં તમારે દર વર્ષે આ પ્રક્રિયા કરવી પડતી હશે. આમ કરવાથી, તમારા સરનામા કે ફોન નંબર જેવી વિગતોમાં ફેરફાર થયેલ હોય, તો બેંક અધિકારીઓને તેની માહિતી રહે છે. KYCની વિગતો એક જ સંસ્થા દ્વારા સ્ટોર કરવામાં આવે છે, જ્યારે CKYC એટલે સેન્ટ્રલ નો યોર કસ્ટમર. CYKCની માહિતી કેન્દ્ર સરકાર દ્વારા સંગ્રહિત કરવામાં આવે છે. તમારા દ્વારા આપવામાં આવતી વિગતો સેન્ટ્રલ KYC રજિસ્ટ્રીમાં જાય છે. આ દરેકની માહિતીનો સામાન્ય ડેટાબેઝ બનાવવામાં મદદ કરે છે. તેને કારણે, અન્ય દરેક પ્રક્રિયા માટે KYC કરવાની જરૂરિયાત રહેતી નથી, જેને કારણે તમારો તેમજ તેની ચકાસણી તથા એકત્રિત કરી રહેલ વ્યક્તિનો સમય બચે છે.

કાર ઇન્શ્યોરન્સમાં KYC

ઇન્શ્યોરન્સ માટે સેન્ટ્રલ ઑથોરિટીના તાજેતરના નિર્દેશ મુજબ, ઇન્શ્યોરન્સ કંપનીઓ માટે નવા ગ્રાહકો CKYC પ્રક્રિયામાંથી પસાર થવું ફરજિયાત છે. આનો અર્થ એ છે કે, જો તમે કોમ્પ્રિહેન્સિવ મોટર ઇન્શ્યોરન્સ પૉલિસી ખરીદવા માંગો છો, તો તમારે આ પ્રક્રિયામાંથી પસાર થવું પડશે*. સામાન્ય રીતે, જ્યારે તમે ઇન્શ્યોરન્સ પૉલિસી ખરીદો છો, જેમ કે કાર ઇન્શ્યોરન્સ, ત્યારે તમારે ઓળખ અને સરનામાના પુરાવા તરીકે આધાર કાર્ડ અથવા ડ્રાઇવરનું લાઇસન્સ જેવા દસ્તાવેજો પ્રદાન કરવાની જરૂર છે. આ સાથે, તમારે તમારી કાર વિશેની માહિતી પ્રદાન કરવાની જરૂર છે, જેમ કે ખરીદીની રસીદ, ચેસિસ નંબર અને રજિસ્ટ્રેશન નંબર. આ વિગતો તમારા પૉલિસી ડૉક્યૂમેન્ટમાં ઉલ્લેખિત છે. જો કે, જો તમે તમારી સંપર્ક વિગતો સ્થાનાંતરિત અથવા બદલવા માંગો છો, તો તમારા ઇન્શ્યોરર આ ફેરફાર વિશે જાણતા નથી. આવી ઘટનાઓને ટાળવા માટે તમામ ઇન્શ્યોરન્સ ખરીદદારો માટે સીકેવાયસી પ્રક્રિયા ફરજિયાત છે. ઉદાહરણ તરીકે, તમારી વર્તમાન કાર ઇન્શ્યોરન્સ પૉલિસી સમાપ્ત થવાની છે, પરંતુ તમે ફોર-વ્હીલર થર્ડ-પાર્ટી ઇન્શ્યોરન્સ પૉલિસી પસંદ કરવાનું વિચારી રહ્યા છો. તમે તાજેતરમાં અન્ય શહેરમાં સ્થળાંતર કર્યું છે, પરંતુ આ તમારા ઇન્શ્યોરરના ડેટાબેઝમાં અપડેટ કરવામાં આવ્યું નથી. જો તમે ક્લેઇમ ફાઇલ કરવા માંગો છો; કારણ કે તમારા ઇન્શ્યોરર પાસે તમારી અપડેટેડ વિગતો નથી, તેથી તે તમારી ક્લેઇમની પ્રક્રિયામાં સમસ્યાઓનું કારણ બની શકે છે*. જો કે સેન્ટ્રલ KYC સાથે, આ ડેટાબેઝમાં તમારી વિગતો ઑટોમેટિક રીતે અપડેટ થઈ જાય છે, જે પછી ઇન્શ્યોરન્સ કંપનીને તેના વિશે સૂચિત કરે છે. આ લાભ તમારી ક્લેઇમની પ્રક્રિયાના સમયે ઉદ્ભવતી કોઈપણ સમસ્યાઓને ઘટાડવામાં મદદ કરી શકે છે.

આ પ્રક્રિયા કેવી રીતે કરવામાં આવે છે?

ઇન્શ્યોરન્સની ખરીદી સમયે, તમારે નીચે જણાવેલ ડૉક્યુમેન્ટમાંથી કોઈપણ ડૉક્યુમેન્ટ તમારા ઇન્શ્યોરરને પ્રદાન કરવાના રહે છે:

1. આધાર કાર્ડ
2. ડ્રાઇવિંગ લાઇસન્સ
3. PAN કાર્ડ
4. પાસપોર્ટ-સાઇઝનો ફોટો

ત્યાર બાદ, આમાં ઉલ્લેખિત વિગતો, તમારી માહિતીનો ડેટાબેઝ બનાવવા માટે સેન્ટ્રલ રજિસ્ટ્રીમાં દાખલ કરવામાં આવે છે. 14-અંકનો CKYC નંબર જનરેટ કરવામાં આવે છે જે તમારી ઓળખના પુરાવા સાથે લિંક થાય છે. વિગતોની યોગ્ય ખરાઈ થયા બાદ, તે રજિસ્ટ્રીમાં સ્ટોર થઈ જાય છે.

તારણ

છેતરપિંડીના ક્લેઇમની સંખ્યા ઘટાડવા સિવાય, CKYC દર વખતે તમારી વિગતોને મૅન્યુઅલી અપડેટ કરવાની જરૂરિયાતને દૂર કરે છે. જ્યારે આ પ્રક્રિયા નવી છે, ત્યારે તે લાંબા ગાળે દરેક માટે ફાયદાકારક છે. જો તમે નવો કાર ઇન્શ્યોરન્સ ખરીદવા માંગો છો, તો તમે તમારી જરૂરિયાત મુજબ પૉલિસીનો અંદાજિત ખર્ચ તપાસવા માટે ઑનલાઇન કાર ઇન્શ્યોરન્સ કેલ્ક્યુલેટર નો ઉપયોગ કરી શકો છો. આમાં કવરેજનો સમયગાળો, ઍડ-ઑનની સંખ્યા અને તમારી માલિકીના વાહનનો પ્રકાર શામેલ છે. તમે પૉલિસી ખરીદો તે પહેલાં, કોઈપણ મૂંઝવણને ટાળવા માટે તમારા ઇન્શ્યોરર સાથે તમારી શંકાઓનું સમાધાન કરવાની ખાતરી કરો.

આ પણ વાંચો: કાર ઇન્શ્યોરન્સમાં KYC સંબંધિત IRDAI ના નવા નિયમો ઇન્શ્યોરન્સ એ આગ્રહની વિષયવસ્તુ છે. લાભો, બાકાત, મર્યાદાઓ, નિયમો અને શરતો વિશે વધુ વિગતો માટે, કૃપા કરીને વેચાણ પૂર્ણ કરતા પહેલાં સેલ્સ બ્રોશર/પૉલિસી નિયમાવલીને કાળજીપૂર્વક વાંચો.

*સ્ટાન્ડર્ડ નિયમો અને શરતો લાગુ